New Media

Presidenti i Komisionit Evropian, Jose Manuel Barroso thotë se ekonomia evropiane është duke e marrë veten dhe se do të ketë një rritje më të fortë sesa ishte parashikuar.
Megjithatë ai e pranoi, gjatë fjalimit të parë në Parlamentin Evropian, se mbeteshin ende sfida.
Statistikat më të fundit, siç u shpreh edhe zoti Barroso, tregojnë një rritje edhe më të fortë ekonomike.

Gjatë kësaj jave , AKP- do të hap valën e veçantë të privatizimit në të cilën do të përfshihen disa ndërmarrje të mëdha që kanë mbetur pa u privatizuar. Parashihet te dalin në tender disa nga ndërmarrje të mëdha të mbetura shoqërore pa u privatizuar deri më tani. Disa nga ndërmarrjet të cilat do të privatizohen janë Amortizatorët, disa ndërmarrje të Gjakovës, ndërtesa ku është OMBUS-Personi etj.

Kuvendi i Kosovës ka shtyrë për seancën e radhës propozimin e Bordit të Bankës Qëndrore për shkarkimin e guvernatorit Hashim Rexhepi, i cili ndodhet në paraburgim. Kjo shtyrje është me arsyetimin se kjo çështje nuk është diskutuar mjaftueshëm në komisionet përkatëse.

Presidenti amerikan Barak Obama do të bëjë sot publik planin gjashtë vjeçar për ristrukturimin e infrastrukturës. Investimi fillestar për këtë plan do të jetë 50 miliardë dollarë dhe do të synojë hapjen e vendeve të reja të punës, njofton Shtëpia e Bardhë. Obama është i angazhuar të punojë ngushtë me Kongresin për të financuar në tërësi programin.